მეორე დღეს გავიხსენეთ პირველ დღეს შესწავლილი მასალა, წარმოვადგინეთ პროექტის იდეები, რომელიც ჩამოვაყალიბეთ სახელმძღვანელოში მოცემული ხუთი კითხვის მიხედვით, ვიმსჯელეთ პროექტის იდეების შესახებ და მივიღეთ უკუკავშირი ტრენერისა და ჯგუფის წევრებისაგან. გავიხსენეთ აგრეთვე ელექტრონული ღრუბლები, შევქმენით პროექტის პორტფოლიო და ავტვირთეთ სასწავლო პროექტის გეგმის შაბლონი და 21-ე საუკუნის უნარ-ჩვევები.
გავეცანით პუბლიკაციებს, ვისაუბრეთ პუბლიკაციების დანიშნულებასა და მნიშვნელობაზე. ვნახეთ სტატიის შექმნის ჩეკლისტი, ამასთანავე ვიხილეთ ნიმუშიც და მივიღეთ საშინაო დავალება - შევქმნათ ბუკლეტი პროექტებზე დაფუძნებულ სწავლებაზე.
დღევანდელ მუშაობის პროცესში განსაკუთრებით მომეწონა ღრუბლებში ინფორმაციის შენახვა და ხელმისაწვდომობა ნებისმიერ სიტუაციაში. ასევე პროექტზე მუშაობის პრინციპი და მიდგომა.
ვფიქრობ, დღეს მიღებული ცოდნა დამეხმარება საშინაო დავალების შესრულებასა და საერთოდ სასწავლო მუშაობის პროცესშიც.
დიდი მადლობა ლილი მასწავლებელო, რომ გაითვალისწინეთ რეკომენდაციები რეფლექსიის წერისას
ReplyDelete